އެދުވަހުގެ ތަންކޮޅެއް ފަހުން ޢީސާގެފާނުންގެ އަޞްޙާބީންގެ ދެމީހުން ރަށަކަށް ދަނިކޮށް ޢީސާގެފާނު އެމީހުންގެ ކައިރިއަށް ވަޑައިގެން އެމީހުންނާ ވާހަކަފުޅު ދެއްކެވިއެވެ މިއަށް ފަހު މިދެމީހުން އެބުރި އަންހެންބަޔަކު ޢީސާގެފާނުންގެ ހަށިކޮޅު ވެޑުވިފައިވާ ހޮހަޅައިގެ ކައިރިއަށް ދިޔައެވެ އެމީހުން އެތަނަށް ދިޔައީ އެކަލޭގެފާނުންގެ ހަށިކޮޅުގެ މައްޗަށް އެޅުމަށްޓަކާ ތައްޔާރުކުރި މީރުވަސްދުވާ ތަކެތި ހިފައިގެންނެވެ މިމީހުން އެހޮހަޅަ ހުރި ހިސާބަށް ދިޔައިރު އެތާގެ އަގަމަތީ ހުރަސް ކުރެވިފައިވާ ބޮޑުސިންގާ ހިލަ ވަނީ އެއްފަރާތަކަށް ފުރޮޅިފައެވެ އެބައިމީހުން އެތެރެއަށް ވަދެ ބެލިއިރު މަތިވެރިސާޙިބު ޢީސާގެފާނުންގެ ހަށިކޮޅެއް އެތަނަކު ނުވެއެވެ މިބައިމީހުން މިވީ ކީއްކަން ނޭގި ހައިރާންވެފައި ތިއްބާ ކުއްލިއަކަށް އެތާގައިވީ ދެމަލާއިކަތަކު އެމީހުންގެ ކައިރީގައި ވާ ތަން ފެނުނެވެ މިބޭކަލުންގެ ހެދުންކޮޅު ވިދަވިދާވިއެވެ މިތަން ދެކެ މިއަންހެނުން ގަތްބިރުން އިސްޖެހި މަތިބަލާލަން ވެސް ނުކެރިފައި ތިއްބެވެ ނަމަވެސް މިދެބޭކަލުން އެބައިމީހުންނަށް ވިދާޅުވިއެވެ ޖެރޫސަލަމަށް ގޮސް އެހެން އަޞްޙާބީންނަށް މިވާހަކަ ކިޔާދިނެވެ މިހުރިހާ އަޞްޙާބީން މިކަމާއިމެދު ވާހަކަދައްކަމުން ގެންދަނިކޮށް މިމީހުންނަށް ފެނުނީ ޚޮދް ޢީސާގެފާނު އެތާގައި ވަނިކޮންނެވެ އެކަލޭގެފާނު އެބައި މީހުންނަށް ވިދާޅުވިއެވެ މާތްރަސްކަލާނގެ ކަލޭމެންގެ މައްޗަށް ރަޙުމަތް ލައްވާފާދެވެ ނަމަވެސް މިމީހުން މިތަން ދެކެ ސިއްސައިގެންގޮސް އެއީ ރޫޙެއް ކަމުގައި ހީކޮށް ވަރަށްބޮޑަށް ބިރުގަތެވެ މިހެންވެ ޢީސާގެފާން އެބައި މީހުންނަށް ވިދާޅުވިއެވެ ތިޔަބައިމީހުން ތިޔަހާ ބޮޑަށް ތިޔަ ބިރުގަންނަނީ ކީއްވެހެވެ އަހަރެން ދިރިހުރިތަން ދެކެ އެކަން ޤަބޫލުކުރަން ތިޔަހާ ބޮޑަށް އުދަގޫވީ ކީއްވެހެވެ އަހަރެންގެ އަތާއި ފައި ތިލައަށް ބަލާބަލާށެވެ މިއީ ޚޮދް އަހަރެންނެވެ ތިޔަބައި މީހުން އަހަރެންގެ ގައިގައި އަތްލަބަލާށެވެ އޭރުން ތިޔަބައިމީހުންނަށް އަހަރެންނަކީ ރޫޙެއް ނޫން ކަން ޔަޤީންވާނެއެވެ ރޫޙެއްގެ ހަށިގަޑުގައި މަހާއި ކަށްޓެއް ނުވާނެއެވެ ނަމަވެސް އަހަރެންގެ ހަށިގަޑުގައި މަހާއި ކަށި ވާކަން އޭރުން ކަލޭމެންނަށް ޔަޤީންވާނެއެވެ ދެން އެކަލޭގެފާނު އެކަލޭގެފާނުންގެ އަތްޕުޅާއި ފައިންޕުޅު އެބައިމީހުންނަށް ދެއްކެވިއެވެ އެބައިމީހުން މިކަމާއި ވަރަށްބޮޑަށް އަޖައިބުވެ އުފާވި ނަމަވެސް މިކަން ޤަބޫލުކުރަން އަދިވެސް ދަތިވިއެވެ މިކަން ޢީސާގެފާނަށް އެގިވަޑައިގެން އެބައިމީހުންނަށް ވިދާޅުވިއެވެ އަހަންނަށް ކާނޭ އެއްޗެއް ދީފާނަން ހެއްޔެވެ އެމީހުން އެކަލޭގެފާނަށް ފިހުނު މަސްކޮޅެއް ދިނުމުން އެކަލޭގެފާނު އެބައިމީހުންގެ ކުރިމަތީގައި މިމަސްކޮޅު ފަރިއްކުޅުއްވައިފައި އެބައިމީހުންނަށް ވިދާޅުވިއެވެ ތައުރާތާއި ޒަބޫރްއާއި އެހެނިހެން ރަސޫލުބޭކަލުން ލިޔުއްވާފައިވާ ފޮތްފޮތުގައި އަހަރެންނާއި މެދު ބަޔާން ވެގެންވާ ހުރިހާ ކަމެއް އެބަޔާންވެގެން ވީ ފަދައިން ހިގާ ނިމިދާނެ ކަމަށް އަހަރެން ތިޔަބައި މީހުންނާއިއެކު ވީ ދުވަސްތަކުގައި ތިޔަބައިމީހުންނަށް ބުނީމެވެ ދެން އެކަލޭގެފާނު އެމީހުންނަށް މާތްރަސްކަލާނގެ ބާއްވާލެއްވި ފޮތްތަކުގައިވާ ބަސްފުޅުތައް ބަޔާންކޮށް އޭގެ މާނަ ވިސްނުމުގެ ކުޅަދާނަކަން ދެއްވިއެވެ އެކަލޭގެފާނު އެބައިމީހުންނަށް ވިދާޅުވިއެވެ ލިޔެވި ބަޔާންވެގެންވޭ އަލްމަސީހު ކަމަށްވާ މާތްރަސްކަލާނގެ ޚާއްސަ ކުރައްވާފައިވާ ބޭކަލުންނަށް އަނިޔާ ލިބިވަޑައިގެން އަވަހާރަ ވުމަށް ފަހު ތިންވަނައަށް ވާ ދުވަހު އަލުން ދިރި ދުނިޔެއަށް ވަޑައިގަންނަވާނެއެވެ އަދި މި ގޮވާލެއްވުން ދުނިޔޭގެ ހުރިހާ ޤައުމަކަށް ގޮވާލެވޭނެއެވެ މި ގޮވާލެއްވުމަކީ އަލްމަސީހުގެ ނަންފުޅުގައި މީސްތަކުން މާތްރަސްކަލާނގެ ކިބަފުޅަށް އެބުރުމުން އެމީސްތަކުންގެ ފާފަތައް ފުއްސަވާނެ ކަމުގެ ގޮވާލެއްވުމެވެ މި ގޮވައިލެއްވުން ދުނިޔޭގެ ޤައުމުތަކަށް ފެތުރޭނީ ޖެރޫސަލަމުންނެވެ ކަލޭމެންގެ ކުރިމަތީގައި މިކަންތައްތައް ވެ ހިގައްޖެއެވެ ވީއިރު ކަލޭމެން މިކަންތައްތަކަށް ހެކިވާށެވެ ތިޔަބައިމީހުން މާތްރަސްކަލާނގެ މަތިވެރި ބާރުފުޅު ދެއްވައިފުމަށް ދާންދެން މިރަށުގައި މަޑުކުރާށެވެ އުޑުގައި ވޮޑިގެންވާ ކަލާނގެ ވަޢުދުވެ ވޮޑިގެންވީ ހަދިޔާފުޅު ޚޮދް އަހަރެން ކަލޭމެންގެ ކައިރިއަށް ފޮނުވާނަމެވެ ދެން ޢީސާގެފާނު އެކަލޭގެފާނުންގެ އަޞްޙާބީންނައިގެން އެރަށުން ވަޑައިގެން ބައިތުޢަނިއާ ރަށާއި އަރާ ހަމަވި ހިދު އެކަލޭގެފާނުންގެ އަތްޕުޅު މައްޗަށް އުފުއްލަވާ އެމީހުންނަށް ބަރަކާތް ލެއްވެވިއެވެ އަދި ހަމައެވަގުތު މާތްރަސްކަލާނގެ އެކަލޭގެފާނުން އުޑަށް އެރުއްވެވިއެވެ އަޞްޙާބީން ޢީސާގެފާނުންގެ މައްޗަށް ޙަމްދާއި ސަނާ ކިޔަމުން އުފާވެރި ކަމާއި އެކު އެބުރި ޖެރޫސަލަމަށް ދިޔައެވެ އަދި ބައިތުލް މަޤްދިސްގައި މާތްރަސްކަލާނގެ ކިބަފުޅަށް ޝުކުރު ކުރުންމަތީ އެބައިމީހުންގެ ހުރިހާ ވަގުތެއް ހޭދަކުރިއެވެ