Kimeru /1 Indi-ri, untu buria bwonanagia ati Murungu natwendete ni bubu, ni ati riria twari eeyia Kristo naakuire ni untu bwetu. Na-ri, kiatho kia Pasaka gitirakinya, Jesu amenya ati igiita riawe irikinyi riria akauma nthiguru iji eete kiri Ithe, na tontu neendete antu bawe wengwa baria baari nthiguru, arabeenda mwanka muthiro jwa wendani. Na kiri Jesu Kristo, na niwe mukuuji wa gwitikika, nawe niwe rikithathi ria kuuma kiri akuu, nawe niwe mwathi wa anene ba nthiguru; Atiri, kiri We uria utwendete, na watuthaurire na tharike yawe turauma meeyiene jetu. Tontu bwa uria Murungu eendere kirindi kia nthiguru, naaritire Mutanowe-wa-mumwe, nikenda muntu kinya uriku uria ukamwitikia atikeeje kuura, indi eeje agite mwoyo jwa kenya na kenya. Mwathani naacionanirie kirini o karaja, arambira, Ninkwendete gwe na wendani buria bukarituura mwanka kenya; niu ni untu buu butumite ngukucia na kiao giakwa. /2 Ningi-ri, mantu ja kiriga kiria muntu athingataga nakio Murungu, ni mma ni gikinene; we oonanirue ari na mwiri, We oonanirue ari na mwiri, Na aroombana ndene ya Kirundu; Na kinya akionagwa ni araika, Ningi nkuma yawe ireeranwa kiri antu ba migongo, Na areetikua ni antu ba nthiguru, Na ningi arajukua araikua mwagone.