Kuteb /1 Amaa Rimam tatso ti paenine baa, ure ti anawu txi ra, ikyaen imi i si kiye ti ati ta uwae ikentitibi ti ti nde ne Kristi cwu ikyaen na ti. Ayi tsitsi usir kinjo ti Mbayahuda u ci ukwab ti a ku kunn yi baa Paska. Yesu nung ye pu wu baa, kiye na ru ba pu yi ti awu na na u ya utense wune ta ti awu na u kafe tso ti yi uwog Itse-wu. Ti ti kucang awu site ure risu andewu ti ta utense ike, amaa tinine awu u tatso ba baa, ure-wu ayi na si-yi te itikunntsi be. Awu Yesu Kristi ti ku ri tan ira Rimam te ande, awu ti tawe uwe nwunn uwae iticwu, awu ti si ukwe na akwe ti uten meme, awu site urete ti. Ti anying nawu ti a sa yaen mbub, awu nwangru ti uwae ikentitibi-ti. I si ikyaen ti Rimam ye ure te ande ti utense ko ken tag, ne iken ti nde awu nda Umbae-wu ti si nyang kinjo-wu amam ru ba ikyaen ti ko unde titini ti a ru uwae kinjo uwog-wu be amaa awu na u tu unyang ti tsi kukunn. Ure ti siskeb patag ti unde u ye te arwan-wu si ti awu u cwu ricwu arwan-wu si ti awu u cwu ricwu ikyaen-ba. /2 Ti ti Rimam mam-wu utense kaka be, Ira Unju-wu ta pu yi atang. Ira Umju-wu ne, awu ti Rimam ta te atso. Ira Unju-wu wune te Rimam si iken kinjo. Ira Unju Rimam wu sa ijwe rimenn-ti ande u ru ba som kitangpwa-ti uwae kiye kpang. Awu munn ti ayib risi ti kubenti. Ame ti Itse-me si iken kinjo. Iken yine meme nde ikyaen ti yi u kumunn ira ti Rimam ri ti kute, yi unju na unde wu ti ku ya iskin irawu baa, Ni na atong roo! Wandab u kyaen rishwu u mbae umbae ti urom. A u fwa rinyi-wu baa, Emanuwel umbyi-yi baa, Rimam te ti som tetso. Yesu ri baa, Filibus, ame te ni ta tetso ti kucang akwen, ama afu nung ye-fu ame kaka be a? Ko unde titini ti awu a nung pu wu ame, awu nung pu wu Itse-m awu ama. Imi ti nde titawe afu jwam baa, ame na tatso ni Itse-m awu? Filibus, afu ru-fu uwae kinjo baa, ame ta uwae Itse-m, Itse-m ta uwae-m, be a? Ira ti ame ku ri te ni ru yi uwog-m ba be. Ayi si awu Itse-m ti ta uwae-m, ti ku nde wande-wu uwae ijwe-m. /3 Ti ande ti kijaen bane nung ye Yesu aba taen ira ti ribom-ba baa, Afu Umbae Rimam, afu nde rimang ru ba uwog-ti ike? Afu ru ba pu fu ti afu ba nde ti rikaen ti ti kiye pang-wu kaka be a?Atom wu ri te wu baa, Kusung Rimam u si ba risu-fu. Kuko na Rimam u si ba munn fu munn. Ikyaen yine umbae wu ti afu u mbae, a u kunn wu baa Umbae Rimam. Awu u site-wu ti ikentitibi be. Unde wu ri baa, Unde Tiyang, afu ti u tatso me unde wu, ikyaen ti ame na ru uwae kinjo uwogwu! Yesu ri te wu baa, Afu nung mam pu fu awu. Awu si si unde ti te fu ku ri ira ne. Ti Bitrus ku ri ira yine, kutakujwujwu si ba ta kyi ba. Kutakujwujwu wune jaen wuwur. Aba fxen fxaenjwin uwae kutakujwujwu wu baa, Awune si Umbae-m ti ame ku tsen utob te wu, ni fxen wu! Ikyaen imi i si uwog Yesu Kristi, ti Rimam tso risu-wu ku som usom-wu kiye ti awu ta utense ne. Unde titini ti a ri tso ti unju-wu baa, Yesu na si Umbae Rimam, Rimam u te wu som te atso, awu ama te Rimam som te atso. /4 Yesu ri te ba baa, Ani si ana utense ike: ame si-me ana utense ike ama be. Ame ru uwog Rimam ba. Yesu ri te wu baa, Ame ti si fengo, ame ti si kubenti, ame ti si unyang. Unde iki ta-wu ti awu u ru ka uwog Itse-m be, se iken ti awu a ru tsa uwog-m. Ikyaen yine Yesu ri te ba baa, Ame ku ri te ni kubenti; ame ti si ufu rikug mbawen ayi. Yesu ri te wu baa, Ame ti ku sa na ande nwunn uwog ti kicwu. Ame ti ku nda ba unyang. Ko unde titini ti awu a ru uwae kinjo uwog ti aname, awu u tsi ti user ko ti awu a cwu. Ani ku kunn me baa, Kukwen, u ku kunn me baa, Itsekuru. Ayi nyang timambe, ikyaen imi ayi si ahan ara. Yesu ri te ba baa, Ame ti si wuci na unyang ayi. Ko unde titini ti awu a ru ba uwog-me, awu u fxen-wu rimenn be. Ko unde titini ti awu a ru uwae kinjo uwog-me ama u fxen-wu unwaen cwucwo be. /5 Awu sa na ande ba som riben uwae fili iki. Awu pu abyi buredi tisong ti iwag ifaen yine fwa ajwo u sae ayib apupwen u nde fxaefa na Rimam. Isim yine, awu nyangta wuci ne u pu na ande-wu ti a na kan na ande ba. Ande ba ci num wuci yi, ama a byir amumunn-yi munn acika rijwer asu ifaen. Ujwunn ande ti ci wuci yi si dubu itsong, a pwen-ba anda ti anyisu fwa-ba atang be. Kiye ti awu ri ira ri riri u ri mam pu wu awu ri te Siman ti arwan wande-wu baa, Ni ko ru ka sang uwog ti jijang ti ni ndab ta kukye-ni ti sa jwunnsi ti ni ye iwag. Siman ri te wu baa, Itsekuru-m, ati kwab pu ucwefam u tu-ti kikin be. Amaa ikyaen ira-fu ame u pu akye-m si. Isim ti a pu akye-ba si, iwag yang-yi sang ba munn kyi uwae akye. Ikyaen ti iwag yi ko timambe re, akye ku nde pangma ayi na u shir yaen. Ande ti mbub ayib ifaen som iyen fengo atang. Kiye ti aba fxen baa, Yesu na ku ru fengo atang, a taen ira tso ritsen baa, Umbae Dawuda, sae ti te ayib risi! Yesu, baa, Imi ti ani ku sha ti ame na nde na ni? A ri te wu baa, Itsekuru, ati ku sha ti afu na mbubta ayib-ti. Yesu nung risiba u sa kujwo tekunn ayib-ba. Ti ritsen ahan ayib-ba mbubta, a nwunn u putsa wu. /6