Ibandla likaNkulunkulu ophilayo
1 Tim. 3:15
ABAKHONZI ABAQOTHO Lina lilithempeli likaNkulunkulu
Kodwa isikhathi siyeza, sesifikile, lapho abakhonzi abaqotho bazakukhonza uBaba ngomoya langeqiniso; ngoba uBaba ufuna abamkhonzayo babenjalo. UNkulunkulu unguMoya; labo abamkhonzayo bafanele ukukhonza ngomoya langeqiniso. Joha 4:23-24 Kodwa umuntu engimqaphelisayo yilowo othobekileyo, olomoya odabukileyo, olesabayo ilizwi lami. Isa 66:2 Kalazi yini ukuthi lina lüithempeli likaNkulunkulu, lokuthi uMoya kaNkulunkulu uhlala kini na?... Ngoba ithempeli likaNkulunkulu lingcwele, liyiloke lina. 1 Kor 3:16-17 NjengoKristu walithanda ibandla, wazinikela ngenxa yalo, ukuze azahlukanisele lona, esilihlambulule ngokuligezisa ngamanzi langelizwi, ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele lingelacala. Efe 5:25-27 Uba iNkosi ingayakhi indlu, basebenzela ize abayakhayo. Isihl 127:1 Ngoba lapho ababili ingabe abathathu babuthene khona ebizweni lami, ngikhona lapho phakathi kwabo. Mat 8:20 Bala njalo: 2 Kor 6:16; 1 Kor 6:19-20; 1 Kor 1:26-29; Kol 3:11-17; Mal 3:16-18.
PHEZU KWALELIDWALA NGIZAKULAKHA IBANDLA LAMI
Bonke banatha ukunatha kunye komoya ngoba banatha edwaleni lomoya elahamba labo, 1 Kor 10:4 USimon Petro waphendula wathi, UnguKristu, iNdodana kaNkulunkulu ophilayo. UJesu wamphendula wathi kuye ... phezu kwalelidwala ngizakulakha ibandla lami. Mat 16:16-18 Ngoba esinye isisekelo singebekwe muntu kuphela leso esibekiweyo esinguKristu uJesu. 1 Kor 3:11 Lakhiwe phezu kwesisekelo sabaphostoli labaprofethi, uKristu uqobo lwakhe uyilitshe lengonsi. Efe 2:20 Wozani siyihubele iNkosi, sihlabele ngokuthokoza kulo idwala lokukhululwa kwethu. Isihl 95:1 Ngoba idwala labo kalinjenge Dwala lethu. Dute 32:31 Bala njalo: Mat 21:42-44; Isihl 18:1-2; 1 Pet 2:4-8; Dute 32:3-4; Luka 6:46-49; Isihl 62:6-1.
UKRISTU UYINHLOKO YEBANDLA Efe 5:23
Ngakhoke lokhu silompristi omkhulu odlule emazulwini, uJesu iNdodana ka Nkulunkulu, asibambelele kuso isivumo sethu. Ngoba kasilaye uMpristi omkhulu ongelakuzwelana lobuthakathaka bethu, kodwa owalingwa kukho konke njengathi, kanti kalasono. Heb 4:14-15 Umpristi omkhulu onjalo usifanele thina, ongcwele, ongelacala, ongelasici, owahlukanisiweyo kuzo izoni, owaphakanyiselwa emazulwini. Kadingi njengalabo abapristi abakhulu ukunikela insuku ngensuku ngemihlatshelo ngenxa yezakhe izono, lezabantu, ngoba wakwenza lokho kwaba kanye mhla ezinikela yena. Heb 1:26-21 Yona yinhloko yomzimba olibandla, iyikuqala, izibulo kwabafileyo, ukuze yona ibe ngeyokuqala ezintweni zonke. Kol 1:18
UKRISTU ESENIKELWE KANYE Kakusadingeki umnikelo ngenxa yezono
Ngoba uKristu kangenanga endaweni engcwele eyenziwe ngezandla, engumfanekiso waleyo eqotho, kodwa wangena ezulwini uqobo ukuba khathesi abonakale phambi kuka Nkulunkulu ngenxa yethu. Kungesikho futhi ukuba azinikele kanengi njengalokhu umpristi omkhulu engena endaweni engcwele iminyaka leminyaka, ephethe igazi elingesilo elakhe. Uba kwakunjalo wayemele ukuhlupheka kanengi selokhu kwadatshulwa umhlaba. Kodwa ubonakaliswe kanye ekupheleni kwesikhathi ukuba asuse izono ngokuzinikela kwakhe. Njengalokhu kumiselwe abantu ukuba bafe kanye, emva kwalokhu kufike ukuthonisiswa: ngokunjalo lo Kristu esenikelwe kanye ukuba athwale izono zabanengi. Heb 9:24-28 Ngoba uKristu laye wafela izono kwaba kanye, olungileyo ngenxa yabangalunganga, ukuze asise kuNkulunkulu. 1 Pet 3:18 Ngaleyontando senziwe saba ngcwele ngokunikelwa komzimba kaJesu Kristu kanye kuphela. Umpristi yilowo lalowo kambe uyema insuku ngensuku enkonzweni, enikela kanengi ngaleyomihlatshelo engasoze yaba lamandla okususa izono. Kodwa uKristu esenikele isikhathi sonke umhlatshelo waba munye ngenxa yesono, wahlala phansi ngakwesokunene sikaNkulunkulu, uselindele izitha zakhe zize zenziwe isigcabha senyawo zakhe. Ngoba ngomnikelo munye uphelelisile okwesikhathi sonke labo abenziwe baba ngcwele. Heb 10:10-14 Lapho okukhona ukuthethelelwa kwalokhu, kakusadingeki umnikelo ngenxa yezono. Heb 10:17-18 Bala njalo: Roma 6:9-10; Heb 9:11-12
MUNYE UMLAMULI PHAKATHI KUKANKULUNKULU LABANTU
UJesu umlamuli wesivumelwano esitsha. Heb 12:24 Ngoba ngaye silokungena sonke ngoMoya munye kuYise. Efe2:18 Ngoba munye uNkulunkulu munye Umlamuli phakathi kukaNkulunkulu labantu, umuntu uKristu Jesu. 1 Tim 2:5 UJesu wathi kuye: Yimi Indlela, leQiniso lokuPhila, kakho oza kuBaba engezi ngami. Joha 14:6 Kakukho ukusiliswa ngomunye ngoba kalikho elinye ibizo ngaphansi kwezulu elinikiweyo ebantwini esingasiliswa ngalo. Imisebenzi 4:12 Ngaye bonke abaprofethi bafakaza ukuthi ngebizo lakhe bonke abakholwa kuye bazakwamukela ukuthethelelwa kwezono. Imisebenzi 10:43 Bala njalo: Mat 11:27; Joha 1:16-18.
NGUBANI ONGATHETHELELA IZONO NGAPHANDLE KUKANKULUNKULU YEDWA NA? Mark 2:7
Kuwe Nkosi Nkulunkulu wethu, kukhona isihawu lokuthethelela. Dan 9:9 Ngiza kuvuma iziphambeko zami eNkosini. Isihl 32:5 Baba wethu osezulwini... sithethelele izono zethu. Luka 11:2-4 Uba sivuma izono zethu, uthembekile yena ulungile futhi, gakho uzakusithethelela izono zethu, asihlambulule kukho konke ukungalungi. Joha 1:9 Ngakhuleka eNkosini yami uNkulunkulu ngazivuma izono zami. Ngathi wena Nkosi Nkulunkulu omkhulu lowesabekayo, ogcina isivumelwano lothando olungapheliyo kwabakuthandayo labagcina imilayo yakho. Dan 9:4-5 SiloMmeli kuBaba, uJesu Kristu olungileyo. Yena uyinhlawulo yezono zethu. 1 Joha 2:1-2 Bala njalo: Isihl 51; Izaga 28:13; Mark 2:10; Isa 55:7.
LISILISIWE NGOKUKHOLWA Kungesikho ngezenzo zokulunga
Olungileyo uzakuphila ngokukholwa. Roma 1:17 Ngoba lisilisiwe ngomusa ngokukholwa lalokhu kawuveli kimi, kuyisiphiwo sikaNkulunkulu. Kakuveli ngemisebenzi, funa kube khona ozincomayo. Efe 2:8-9 Wasilisa kungesikho ngezenzo zokulunga esazenzayo thina kodwa ngokwesihawu sakhe. Tit 3:5 Kodwa nxa engasebenzi, kodwa ethemba kuye olungisisa abeyisa uNkulunkulu, ukukholwa kwakhe kubalelwa ukuba ulungile. Ngokunjalo uDavida laye ukhuluma ngokubusiswa komuntu uNkulunkulu ambalela ukulunga ngaphandle kwemisebenzi. Roma 4:5-6 Kodwa siyazi ukuthi umuntu kalungiswa ngemisebenzi yomlayo, kuphela ngokukholwa kuKristu uJesu, lathi sakholwa ku Kristu ukuba silungisiswe ngokukholwa kuKristu kungesikho ngemisebenzi yomlayo, ngoba ngemisebenzi yomlayo kakuyikulungisiswa muntu. Gal 2:16 Ngiyabafakazela ukuthi batshisekela uNkulunkulu, kodwa ukutshiseka kwabo kakulalwazi, ngoba abakwazi ukulunga okuvela kuNkulunkulu, kodwa bafuna ukumisa okwabo, kabazehliseli ngaphansi kokulunga kukaNkulunkulu. Roma 10.2-3 Bala njalo: Roma 4:1-8; 3:19-28; 10:1-13; 5:1-2; Fil 3:7-9; Gal 3:21-26; 3:6-14; Isa 64:6.
BONKE BONILE
Kodwake umbhalo uvalele konke ngaphansi kwesono. Gal 3:22 Njengokulotshiweyo ukuthi, kakho olungileyo, kakho loyedwa. Roma 3:10 UMariya wasesithi, umphefumulo wami uyayidumisa iNkosi, lomoya wami uyathokoza ngoNkulunkulu, uMsilisi wami, ngoba uhawukele ubuphansi bencekukazi yakhe. Luka 1:46-48 Ngoba kawukho umahluko, bonke bonile, basilele enkazimulweni kaNkulunkulu. Roma 3:22-23 Bala njalo: Isa 53:6; Izihl 14:2-3; 1 Joha 1:8; Roma 5:12.
UJESU WATHI - NGUBANI UMAMA NA? Labafowethu ngobani na?
Unina kathiwa uMariya yini? Labafowabo kayisibo oJakobe lo Josefa lo Simoni lo Judasi? Labodadewabo kabakho lapha bonke kithi na? Mat 13:55-56 Omunye wathi kuye: Khangela unyoko labafowenu bemi ngaphandle, bafuna ukukhuluma lawe. Kodwa waphendula wathi kuye omtshelileyo; Ngubani umama na? Labafowethu ngobani na? Waseselulela isandla sakhe ngakubafundi bakhe wathi: Khangelani nangu umama labafowethu. Ngoba yilowo lalowo owenza ithando kaBaba oseZulwini nguye ongumfowethu lo dadewethu lomama. Mat 12:47-50 Kwathi esakhuluma lokhu, owesifazana exhukwini waphakamisa ilizwi lakhe wathi; Sibusisiwe isisu esakuthwalayo lamabele owawamunyayo. Kodwa yena wathi; Yebo, kodwa ikakhulu babusisiwe abalizwayo ilizwi likaNkulunkulu balilondoloze. Luka 11:27-28 Bala njalo: Roma 2:11; Luka 8:19-20
IMIBHALO ENGCWELE
Kulotshiwe ukuthi; Umuntu kayikuphila ngesinkwa sodwa, kodwa ngalelo lalelolizwi eliphuma emlonyeni kaNkulunkulu. Mat 4:4 Imibhalo engcwele elamandla okufundisela ukusiliswa ngokukholwa kuKristu Jesu. 2 Tim 3:15 UJesu wathi kubo; Kaliduhanga yini ngalokhu ngoba lingayazi imibhalo ingabe amandla ka Nkulunkulu. Mark 12:24 Amazwi esengiwakhulume kini anguMoya oyikuphila. Joha 6:63 Ngoba ilizwi likaNkulunkulu liphilile, lilamandla, libukhali kulomhedla osika inxa zombili. Heb 4:12 Yonke imibhalo yafunzelelwa nguMoya kaNkulunkulu ilungele ukufundisa lokukhalimela ukuqondisa, ukufundisela ukulunga ukuze umuntu ka Nkulunkulu aphelele, alungiselwe yonke imisebenzi emihle. 2 Tim 3:16-17 Mina uJesu ngisithumile isithunywa sami ukufakaza ngalezizinto kini. Uba umuntu esengezelela kuwo uNkulunkulu uzakwengezelela kuye izifo ezilotshiweyo kulencwadi, uNkulunkulu uzakuphungula isabelo sakhe encwadini yokuphila lasemzini ongcwele, izinto ezilotshiweyo kulincwadi. Isamb 22:16-19 Bala njalo: 1 Kor 15:3-4; 2 Pet 1:20-21; Izihl 119:97-104; 2 Pet 3:15-16.
ISIKO LABANTU Kol 2:8
Wasesithi kubo: Lembala liyayekela umlayo ka Nkulunkulu ukuba lilondoloze isiko lenu. Lenza ize ilizwi lika Nkulunkulu ngesiko lenu lemvelo lokunengi okunjalo liyakwenza. Mark 7:9,13 UJesu ... wasebaphendula wathi, Lanike kungani... Lisaphula umlayo ka Nkulunkulu ngenxa yesiko lenu na? Lababantu bangidumisa ngemilomo yabo, kodwa inhliziyo yabo ikhatshana lami. Bangikhonza ngeze, befundisana izifundiso eziyimilayo yabantu. Mat 15:3, 8-9 Bala njalo: Kol 2:8; Izaga 30:6; Dute 4:2.
KUZA KUBA KHONA ABAFUNDISI BAMANGA
Kodwa kwavela abaprofethi bamanga phakathi kwabantu, njengokuba lakini kuzakuba khona abafundisi bamanga abazakungenisa ngensitha izifundo ezichithayo bephika iNkosi eyabathengayo. 2 Pet 2:1 Xwayani abaprofethi bamanga, abeza kini bembathise okwezimvu, kodwa ngaphakathi bezimpisi eziphangayo. Lizakubazi ngezithelo zabo. Mat 7:15-16 Ngoba isikhathi siyeza lapho bengazikuvuma ukufundisa okuqotho, bafulathelise indlebe zabo eqinisweni, baphambukele ezinganekwaneni. 2 Tim 4:3-4 Bala njalo: Isa 5:20; Juda 3-4; 2 Kor 11:13-15; Mat 24:4-13; 2 Tes 2:1-12; 1 Tim 4:1-3; Mat 16:11-12, 24:24.
UNGAZENZELI IZITHOMBE EZIBAZIWEYO
NgiyiNkosi uNkulunkulu wakho ... Ungabi labanye oNkulunkulu ngaphandle kwami. Ungazenzeli izithombe ezibaziweyo lomfanekiso walokho okusezulwini lalokhu okusemhlabeni lalokhu okusemanzini angaphansi komhlaba. Ngoba mina Nkosi uNkulunkulu wakho nginguNkulunkulu olomona. Eks 20:2-5 Ngakhoke qaphelani... Xwayani funa lone, lizenzele isithombe esibaziweyo sowesilisa loba sowesifazana. Dute 4:15-16 Buthanani lisondele lonke elingelakho ukwazi elithwele izithombe zezigodo likhuleka ku kunkulunkulu ongelakusiza. Kakho omunye uNkulunkulu ngaphandle kwami onguNkulunkulu olungileyo lo Msilisi, kakho omunye ngaphandle kwami. Phendukelani kimi likhululwe lina lonke bantu base mhlabeni wonke. Ngoba nginguNkulunkulu, kakho omunye. Isa 45:20-22 Bala njalo: Roma 1:21-25; Mark 12:28-33; Isa 44:14-19; Joha 4:24; Dute 4:23-24; 1 Kor 8:6; Dute 21:15; 1 Sam 7:3-4.
PHUMANI PHAKATHI KWABO, LAHLUKANE LABO
Lingazihlanganisi labangakholwayo, ngoba kulokuhlanganyela ngaphi ukulunga lokungalungi na? Kulokuhlanganyela ngaphi ukukhanya lobumnyama na? UKristu ulokuzwana ngaphi lo Beliyali na? Ulesabelo bani okholwayo longakholwayo na? Livumelana ngaphi ithempeli lika Nkulunkulu lezithombe na? Ngoba thina silithempeli likaNkulunkulu ophilayo, njengokutsho kwakhe ukuthi: Ngizakuhlala labo, ngihambe phakathi kwabo, ngizakuba nguNkulunkulu wabo, bona babe ngabantu bami. Ngakhoke phumani phakathi kwabo, lahlukane labo, kutsho iNkosi, lingathinti okungcolileyo; ng'Wionakengizakulamukela Ngizakuba nguYihlo wenu, lina libe ngamadodana lamadodakazi ami, kutsho iNkosi uSomandla. 2 Kor 6:14-18 Bala njalo: Isa 8:9-13; Isam 18:4; 1 Kor 10:20-21; Gal 5:1; Heb 13:11-14; Isa 31:1; Jer 42:13-19; 2 Tes 3:6-7.
LIBE YIBUPRISTI OBUNGCWELE
Njengamatshe aphilayo yakhiwe indlu yakoMoya, libeyibupristi obungcwele, linikele imihlatshelo yakoMoya eyamukelekayo kuNkulunkulu ngoJesu Kristu. Kodwa eliluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabaka Nkulunkulu: ukuze litshumayele izenzo ezimangalisayo zalowo owalikhupha emnyameni walisa ekukhanyeni kwakhe okumangalisayo. 1 Pet 2:5,9 Kuye osithandayo owasihlanza izono zethu ngegazi lakhe, lowasenza sabangumbuso labapristi kuNkulunkulu uYise kakube kuye ubukhosi lamandla kuze kubenininini. Isam 1:5-6 Ngakhoke bazalwane ngiyalincenga ukuba ngesihawu sika Nkulunkulu, linikele imizimba yenu ibe ngumnikelo ophilayo, ongcwele, owamukelekayo kuNkulunkulu kube yikukhonza kwenu okuqotho. Roma 12:1 Bala njalo: Heb 13:15-16; Isam 20:6.
LINGABIZI MUNTU EMHLABENI NGOKUTHI NGUYIHLO
Kodwa lina kalingabizwa ngokuthi Rabi, ngoba munye uMfundisi wenu, lina lonke lingabazalwane. Lingabizi muntu emhlabeni ngokuthi nguyihlo, ngoba munye onguyihlo osezulwini. Kalingabizwa ngokuthi lingabafundisi, ngoba munye umfundisi wenu, uKristu. Kodwa lowo omkhulu kini kabe ngumfokazi wenu. Lowo oziphakamisayo uzakuthotshiswa, lalowo ozithobayo uzakuphakanyiswa. Mat 23:8-12 Lokhu lingamadodana kaNkulunkulu, wathumela uMoya weNdodana yakhe enhliziyweni zenu, ememeza esithi, Aba, Baba! Gal 4:6 Bala njalo: Mat 20:25-28; 1 Pet 5:1-3.
NGAKHO KAKUNGABI KHONA MUNTU OLILAHLA NGOKUDLA LANGOKUNATHA Kol 2:16
UJesu ... wasebiza abantu wathi kubo: Lalelani, liqedisise. Kakusikho okungena emilonyeni okungcolisa umuntu kodwa okuphuma emlonyeni yikho okungcolisa umuntu ... kodwa okuphuma emlonyeni kuvela enhliziyweni, lokhu kuyamngcolisa umuntu. Mat 15:10-11,18 UMoya utsho sobala ukuthi ngezikhathi zokucina abanye bazakumonyuka ekukholweni, balalele omoya abaduhisayo lezifundiso zabomoya ababi. Ngokuzenzisa kwabaqamba amanga abatshiswe uphawu kuzazela zabo, besalela abantu ukuba bathathane, besithi kuzilwe ukudla uNkulunkulu akudalileyo ukuba kwamukelwe ngokubonga, yibo abakholwa labazi iqiniso. 1 Tim 4:1,3 Bala njalo: Mark 1:14-23; Heb 13:9; Imisebenzi 10:13-15
UKUTHATHANA KAKUHLONITSHWE YIBO BONKE Heb 13:4
INkosi uNkulunkulu yasithi, kakulunganga ukuthi umuntu ahlale yedwa. Ngizakumenzela onjengaye. Gen 2:18 Umalusi webandla umele abengumuntu ongasolekiyo, indoda elomfazi munye ... kabe ngophatha kuhle umuzi wakhe labantwana bakhe bemlalela ngenhlonipho yonke. (Uba umuntu engakwazi ukuphatha owakhe umuzi, angaliphatha njani ibandla likaNkulunkulu na?) Izikhonzi kazibe ngamadoda amfazi munye. Aphatha kuhle abantwana bawo lemizi yawo. 1 Tim 3:2,4,5,12 Wathi ukuba uJesu angene endlini kaPetro, wabona uninazala kaPetro elalisiwe ngumkhuhlane. Mat 8:14 UPawuli wathi... kasilalo ilungelo yini lokuhamba labesifazana bethu njengabanye abaphostoli, labafowabo beNkosi lo Kefasi na? 1 Kor 9:5 Bala njalo: 1 Tim 4:1-3
NGIKHULUME NGENDIMI AMAZWI AYIZINKULUNGWANE
Umpostoli uPawuli wahi ... kodwake ebandleni ngingathanda ukukhuluma amazwi amahlanu ngengqondo yami, ukuze ngifundise abanye, kulokuba ngikhulume ngendimi amazwi ayizinkulungwane ezilitshumi. 1 Kor 14:19 Uba lingakhulumi amazwi acacileyo kuzakwaziwa kanjani okukhulunywayo na? Ngoba lizakuba likhuluma umoya nje. 1 Kor 14:9 Bala njalo: Isa 28:9-12
UMSILISI WOMHLABA Joha 4:42
Liqinisile lelilizwi, lifanele ukwamukelwa impela uKristu Jesu weza emhlabeni ukusilisa izoni. 1 Tim 1:15 Uthando lukulokhu, kungesikho ukuba thina samthanda uNkulunkulu, kodwa ukuba wasithanda yena wathumela indodana yakhe ukuba ibe yinhlawulo yezono zethu. 1 Joha 4:10 Liyazi ukuthi kalihlengwanga ngezinto ezibhubhayo ezinjengesiliva legolide. Kodwe lahlengwa ngegazi lewundlu elingalasici, elingelabala. 1 Pet 1:18-19 Yebo, yalinyazwa ngenxa yeziphambeko zethu, yachotshozwa ngenxa yobubi bethu, langamanxeba ayo siyasiliswa thina. Isa 53:5 UNkulunkulu wakhuluma endulo kubokhokho ngabaprofethi ngamathuba amanengi langezindlela ezinengi. Kodwa kulezinsuku zokucina ukhulume kithi ngendodana ayimise ibe yindlalifa yezinto zonke, yona adala ngayo futhi umhlaba. Yonake iyikubenyezela kwenkazimulo kaNkulunkulu ifuze yena uqobo, iphethe izinto zonke ngelizwi layo lamandla. Lapho isiyenzile ukuhlanjululwa kwezono, yahlala phansi kwesokunene so Mkhulu phezulu. Heb 1:1-3 Bala njalo: 1 Joha 1:7; 1 Pet 2:24; Heb 9:22-26; Joha 3:16-17; Efe 5:2.
UKUPHILA OKUNGAPHELIYO KUKRISTU JESU
Ngenzeni ukuze ngisiliswe na?... kholwa eNkosini uJesu Kristu uzakusiliswa wena. Imisebenzi 16:30-31 Ngebizo lakho bonke abakholwa kuye bazakwamukela ukuthethelelwa kwezono. Imisebenzi 10:43 Ngoba inkokhelo yesono iyikufa, kodwa isiphiwo somusa sikaNkulunkulu siyikuphila okungapheliyo kuKristu Jesu Inkosi yethu. Roma 6:23 Ngoba uNkulunkulu wawuthanda umhlaba kangaka waze wanikela iNdodana yakhe ezelwe yodwa ukuba ilowo lalowo okholwa kuyo angabhubhi, kodwa abelokuphila okungapheliyo. Joha 3:16 UJesu wathi kuye, Mina ngiyikuvuka lokuphila; okholwa kimi, loba esifile, uzakuphila; lowo ophilayo, ekholwa kimi, kasayikufa lanini. Joha 11:25-26 Okholwa eNdodaneni kaNkulunkulu, ulobufakazi phakathi kwakhe. Ongakholwa nguNkulunkulu umenza abe ngumqambi wamanga, ngoba engakholwanga yibufakazi uNkulunkulu abufakazileyo ngendoda yakhe. Olayo iNdodana ulokuphila, ongelayo iNdodana kalakho ukuphila. Ngilobile lokhu lina elikholwayo ebizweni leNdodana kaNkulunkulu, ukuze lazi ukuthi lilokuphila okungapheliyo. 1 Joha 5:10-13 Bala njalo: Joha 17:3; Efe 2:4-6.
UKUTHEMBA OKUPHELELEYO KOKUKHOLWA kakusekho... ukulahlwa
Ngakhoke lokhu sesilungisisiwe ngokukholwa, asibe lokuthula kuNkulunkulu ngeNkosi yethu uJesu Kristu. Roma 5:1 Ngakhoke kasisondele ngenhliziyo langokuthemba okupheleleyo kokukholwa, kasibambisise isivumo sokuthemba kwethu singanyikinyeki ngoba uthembekile lowo owasithembisayo. Heb 10:22-23 UJesu wathi: Olizwayo ilizwi lami, akholwe kuye ongithumileyo okungapheliyo ulokuphila: kangeni ekwahlulweni kodwa usephumile ekufeni wangena ekuphileni. Joha 5:24 Njengoba impumalanga yahlukene lentshonalanga, ngokunjaloke izisuse khatshana lathi iziphambeko zethu. Isihl 103:12 Ngakhoke kakusekho ukulahlwa kibo abakuKristu Jesu, benga hambi ngo kwenyama, behamba ngokoMoya. Roma 8:1 Bala njalo: Isihl 32:1-2; Heb 10:14-17, 4:16.
UKUZINGELWA Ungesabi: Ngoba mina ngilawe
Lina libusisiwe nxa abantu belithuka ngenxa yami belizingela bekhuluma amanga konke ngami bekhuluma okubi. Thokozani lithabe kakhulu ngoba umvuzo wenu mkhulu ezulwini. Mat 5:11-12 Yebo, bonke abathanda ukuhamba ngobuqotho kuKristu Jesu bazazingelwa. 2 Tim 3:12 Lizakuzondwa yibo bonke ngenxa yami. Luka 21.17 Ungesabi ngoba mina ngilawe, ungapheli amandla, ngoba mina ngingu Nkulunkulu wakho, ngizakukuqinisa ngikusize, ngikusekele ngesandla sami sokunene esinqobayo. Isa 41:10 Uba uNkulunkulu elathi ngubani ongamelana lathi na? Roma 8:31 Bala njalo: Isihl 27:1; Mat 10:16-26; 1 Pet 4:12-14; Joha 15:18-21; Luka 6:22-23; Dute 31:8; Mat 10:32-36.
NGIZAPHINDA NGIZEFUTHI
UJesu wathi kubafundi bakhe: Ngizaphinda ngibuye futhi, ngilamukele ukuze kuthi lapho engikhona libekhona lani. Joha 14:3 Ngakho lindani, ngoba kalazi ukuthi iNkosi yenu izakufika ngaluphi usuku ... Ngakhoke lanike hlalani lilungile, ngoba iNdodana yomuntu izakuza ngesikhathi elingasilindelanga. Mat 24:42, 44 Sizakuphendulwa sonke ngesikhatshana njengokuqwayiza kwelihlo, ekukhaleni kophondo lokucina. Ngoba uphondo luzakhala, njalo abafileyo bazakuvuswa bengelakubola njalo sizakuphendulwa. 1 Kor 15:51-52 Ngoba iNkosi uqobo izakwehla ivela ezulwini ngodumo, ngokumemeza kwesithunywa sezulu, langokukhala kophondo lukaNkulunkulu; labafileyo kuKristu bazakuvuka kuqala; thinake esisekhona sisasele sizakuhluthunelwa kanye labo emayezini sihlangabeza iNkosi emoyeni; sihlale layo kokuphela. 1 Tes 4:16-17 Bala njalo: Mark 13:26-37; Heb 9:28; 1 Joha 3:2-3; Mat 25:1-13,31-32; 1 Tes 5:1-11; Mat 24:23-51; Imisebenzi 1:11; Sambulo 22:12,20.
HAMBANI ... LITSHUMAYELE IVANGELI KUKHO KONKE OKUDATSHULIWEYO Mark 16:15
UJesu ... wathi: Njengokuba uBaba engithumile mina, lami ngiyalithuma lina. Joha 20:21 Kangilanhloni ngevangeli likaKristu: Ngoba lingamandla kaNkulunkulu osindiso kuye wonke okholwayo. Roma 1:16 Kulotshiwe ngokunje ukuthi uKristu uzahlupheka, avuke kwabafileyo ngosuku lwesithathu. Kutshunyayelwe ebizweni lakhe ukuphenduka lokuthethelelwa kwezono ezizweni zonke. Luka 24:46-47 UJesu wasondela wakhuluma labo esithi: Aphiwe mina amandla wonke ezulwini lasemhlabeni. Hambani lifundise izizwe zonke libabhaphathize egameni lika Yise leleNdodana lelikaMoya oNgcwele. Libafundise ukugcina konke engililaye ngakho. Khangelani mina ngilani kuze kube sekupheleni komhlaba. Mat 28:18-20 Njalo siyizithunywa ngoKristu, okuyikuthi uNkulunkulu uyalincenga ngathi; lathi siyalincenga esikhundleni sikaKristu sithi: Buyisanani loNkulunkulu. 2 Kor 5:20 Ngesikhathi esihle ngikuzwile, langosuku lokusiliswa ngakusiza. 2 Kor 6:2 Bala njalo: Mat 24:14; Mark 5:19-20; Isa 6:8.
ILIZWI LAKHO LILIQINISO Joha 11:11
Yonke imibhalo yafunzelwa nguMoya kaNkulunkulu. 2 Tim 3:16 Wasevula ingqondo zabo ukuze baqedisise imibhalo. Luka 24:45 Lezi zilotshelwe ukuba likholwe ukuthi uJesu unguKristu iNdodana ka Nkulunkulu lokuba lithi likholiwe libe lokuphila ebizweni lakhe. Joha 20:31